کرپشن کو لگام دینے والے عمران خان کو قید میں رکھا گیا ہے،بیرسٹر سیف

آج کا دن کرپشن سے پاک پاکستان کی تجدید کے عہد کا دن ہے، ملک پر مسلط کرپٹ سیاسی خاندانوں سے چھٹکارا پانے کا عہد کرنا ہو گا۔

خیبرپختو نخوا(اُمت نیوز)مشیرِ اطلاعات خیبر پختون خوا بیرسٹر محمد علی سیف کا کہنا ہے کہ کرپشن کو لگام دینے والے بانئ پی ٹی آئی کو قید میں رکھا گیا ہے۔

ایک بیان میں انہوں نے کہا کہ عشروں سے مسلط کرپٹ خاندان ملک کو دیمک کی طرح چاٹ رہے ہیں۔

بیرسٹر سیف کا کہنا ہے کہ آج کا دن کرپشن سے پاک پاکستان کی تجدید کے عہد کا دن ہے، ملک پر مسلط کرپٹ سیاسی خاندانوں سے چھٹکارا پانے کا عہد کرنا ہو گا۔

انہوں نے کہا کہ کرپٹ خاندان حکمرانی پاکستان میں اور جائیدادیں باہر بناتے ہیں

مشیرِ اطلاعات خیبر پختون خوا نے مزید کہا کہ ملک سے کرپشن کا خاتمہ اور حقیقی آزادی بانئ پی ٹی آئی کا وژن ہے۔

ان کا یہ بھی کہنا ہے کہ کرپٹ ٹولے سے چھٹکارا پانے کے لیے بانئ پی ٹی آئی کا ساتھ دینا ہو گا۔