ملتان: ہائی روف، کار اور موٹرسائیکل میں تصادم، 6 افراد جاں بحق

ملتان کے علاقے حسن سوالی کے قریب ہائی روف، کار اور موٹرسائیکل کے درمیان تصادم کے نتیجے میں چھ افراد موقع پر جاں بحق جبکہ آٹھ زخمی ہوگئے۔

ریسکیو 1122 کے ترجمان کے مطابق حادثہ موٹرسائیکل سوار کو بچانے کی کوشش کے دوران پیش آیا۔

زخمیوں میں چار کی حالت تشویشناک ہے، جنہیں فوری طور پر نشتر اسپتال منتقل کردیا گیا جبکہ دیگر زخمیوں کو موقع پر طبی امداد دی گئی۔ جاں بحق افراد کی لاشیں بھی نشتر اسپتال منتقل کردی گئی ہیں۔

حادثے کے بعد ٹریفک معطل ہوگئی، تاہم ریسکیو ٹیموں نے تباہ شدہ گاڑیوں کو ہٹا کر سڑک کو ہر قسم کی ٹریفک کے لیے بحال کردیا۔ پولیس حکام کا کہنا ہے کہ حادثے سے متعلق مزید قانونی کارروائی جاری ہے۔