کرم میں 14دہشتگردوں کے سروں کی قیمت 13 کروڑ ، 30 لاکھ روپے مقرر

محکمہ داخلہ خیبر پختونخوا نے ضلع کرم میں 14 دہشتگردوں کے سروں کی قیمتیں مقرر کر دیں۔

محکمہ داخلہ کے مطابق دہشتگردوں کے سروں کی قیمت 13 کروڑ 30 لاکھ روپے مقرر کی گئی ہے ، دہشتگرد کاظم کے سر کی قیمت 3 کروڑ روپے ، دہشتگرد امجد کے سر کی قیمت 2 کروڑ روپے جبکہ مکرم کی ایک کروڑ 50 لاکھ روپے مقرر کی گئی ہے۔

اعلامیے میں مزید کہا گیا ہے کہ دہشتگرد نور اللّٰہ، درویش، عثمان اور سیف اللّٰہ کے سروں کی قیمت 10، 10 لاکھ روپے مقرر کی گئی ہے ، اوچت، مندوری، داد کمر اور بگن کے دیہات خالی کرواکر سرچ آپریشنز شروع کئے جائیں گے۔

واضح رہے دو دن قبل لوئر کرم کے علاقے اوچت میں دہشتگردوں نے امدادی قافلے پر فائرنگ کرکے گاڑیوں میں لوٹ مار کی تھی ، حملے کے نتیجے میں ایک ٹرک بھی جاں بحق ہوا تھا۔