سابق وزیراعظم آزاد کشمیر تنویر الیاس پر فرد جرم عائد کرنے کے لیے تاریخ مقرر

مظفرآباد: جوڈیشل مجسٹریٹ اسلام آباد نے ڈپلومیٹک پاسپورٹ کے غلط استعمال کے کیس میں سابق وزیراعظم آزاد کشمیر سردار تنویرالیاس پر فرد جرم عائد کرنے کے لیے 12 اپریل کی تاریخ مقرر کردی ۔ عدالت نے جمعرات کو حاضری کی استثنی کی درخواست منظور کرلی ۔

جوڈیشل مجسٹریٹ احمد شہزاد گوندل نے سابق وزیراعظم آزاد کشمیر کیخلاف ڈپلومیٹک پاسپورٹ کے غلط استعمال کے کیس کی سماعت کی ۔

سردار تنویر الیاس کیجانب سے حاضری سے استثنی کی درخواست دائر کی گئی جسے عدالت نے منظور کرلیا۔عدالت نے ملزم کے وکیل کو فرد جرم کیلیے چالان کی کاپیاں تقسیم کرتے ہوئے آئندہ سماعت پر فرد جرم عائد کرنے کی تاریخ مقرر کردی ۔

عدالت نے کیس کی سماعت 12 اپریل تک ملتوی کردی۔ سابق وزیر اعظم آزادکشمیر سردار تنویر الیاس کیخلاف ایف آئی اے میں مقدمہ درج ہے۔