مصطفٰیٰ عامر قتل کیس کے مرکزی ملزم ارمغان کی ڈھائی کروڑ روپے گاڑی برآمد

کراچی: وفاقی تحقیقاتی ادارے (ایف آئی اے) نے کراچی کے علاقے ڈیفینس میں اغوا و قتل ہونے والے مصطفٰی عامر کیس کے مرکزی ملزم ارمغان قریشی کی بیش قیمت ریپٹرگاڑی برامد کر لی۔

ترجمان ایف آئی اے کے مطابق گاڑی کی مالیت کم سے کم ڈھائی کروڑ روپے ہے، ایف ائی اے اینٹی منی لانڈرنگ سیل نے قائد آباد میں کارروائی کی جہاں سے ملزم ارمغان قریشی کی بیش قیمت ریپٹرگاڑی برامد کی گئی۔

اس سے قبل گھر سے برآمد گاڑی کی مالیت بھی ڈھائی کروڑ سے زائد تھی ، ایف آئی اے ٹیم نے اسپیشلائزڈ یونٹ کے ہمراہ کارروائی کی۔

تحقیقات کے دوران کئی گاڑیوں کی خریداری کا پتہ چلا تھا، ترجمان کا کہنا ہے کہ ملزم ارمغان نے گاڑی کو قائد آباد میں چھپا رکھا تھا، گاڑی غیر قانونی طریقے سے کمائی گئی رقم سے کی گئی تھی۔

ترجمان ایف آئی اے کا کہنا ہے کہ برآمد شدہ گاڑی کو ایف آئی اے سیل منتقل کر دیا گیا ہے۔