آرمی چیف کی سی ایم ایچ راولپنڈی میں زخمی فوجیوں اور شہریوں کی عیادت

راولپنڈی: اآرمی چیف جنرل سید عاصم منیر نے آج کمبائنڈ ملٹری ہسپتال (CMH) راولپنڈی کا دورہ کیا اس دوران انھوں نے  مارکہ حق/آپریشن بنیان  مرصوص کے دوران زخمی ہونے والے فوجیوں اور معصوم شہریوں کی عیادت کی۔

آرمی چیف نے انفرادی طور پر زخمی اہلکاروں سے ملاقات کی، ان کی غیر معمولی بہادری اور ثابت قدمی کی تعریف کی،ان کی مسلسل دیکھ بھال، بحالی اور بہبود کے لیے پاکستان کی مسلح افواج کے غیر متزلزل عزم کا اعادہ کیا۔

جنرل سید عاصم منیر نے کہاکہ "ہمارے شہریوں اور فوجیوں کی بہادری اور قربانیاں پاکستان کی سلامتی کی بنیاد ہیں، پوری قوم اپنی مسلح افواج کے ہر رکن کے ساتھ پرعزم یکجہتی کے ساتھ کھڑی ہے۔”

انھوں نے اس بات پر زور دیا کہ کوئی بھی دشمنانہ منصوبہ پاکستان کی مسلح افواج کے عزم کو ختم نہیں کر سکتا۔ انہوں نے کہا کہ مارکا حق/آپریشن بنیان مرصوص کے دوران پاکستانی عوام نے ثابت قدم حمایت کے ساتھ جس پرعزم اور متحد ردعمل کا مظاہرہ کیا گیا وہ ملک کی عسکری تاریخ کا ایک اہم باب ہے۔