خضدار حملے کے زخمی طالبعلم حیدر اور ملائکہ دورانِ علاج دم توڑ گئے

کوئٹہ: خضدار حملے میں شدید زخمی ہونے والے طالبعلم حیدر اور ملائکہ دورانِ علاج شہید ہوگئے۔

شہید طلبا و طالبات کی تعداد 6 ہوگئی ہے جن میں 5 طالبات اور ایک طالب علم شامل ہے۔ دہشتگرد حملے میں دو جوان بھی شہید ہوئے تھے۔

سیکیورٹی ذرائع کے مطابق اس دہشت گردانہ حملے میں حیدر شہید  شدید زخمی ہوگیا تھا، جو دورانِ علاج جانبر نہیں ہو سکا۔ اسی طرح شدید زخمی ہونے والی طالبہ ملائکی بھی بھارتی دہشت گردی کی بھینٹ چڑھ گئی اور اس نے اسپتال میں جام شہادت نوش کرلیا۔

یاد ہے کہ بدھ کو خضدار میں اسکول بس پر دہشت گرد حملہ کیا گیا تھا جس میں طلبا سمیت 53 افراد زخمی بھی ہوئے تھے۔

سیکیورٹی ذرائع کا کہنا تھا کہ بلوچستان اور خیبر پختونخوا میں دہشتگردی کے لیے بھارت اپنی پراکسیز استعمال کر رہا ہے۔