راولپنڈی:موٹروے پر بس گہرائی میں جا گری ، 5 افراد جاں بحق ، 30 زخمی

راولپنڈی: موٹر وے ایم ٹو چکری انٹر چینج کے قریب نجی کمپنی کی مسافر بس حادثے کا شکار ہوکر گہرائی میں جاگری جس کے نیتجے میں 5 افراد جاں بحق اور 30زخمی ہو گئے۔

نجی ٹی وی کے مطابق نجی کمپنی کی بس راولپنڈی سے ملتان جا رہی تھی، روڈ سلپری ہونے کی وجہ سے ڈرائیور بس پر قابو نہ پا سکا اور بس حادثے کا شکار ہوگئی۔

اطلاع ملتے ہی موٹروے پولیس اور ریسکیو کی ٹیم موقع پر پہنچ گئی ، زخمیوں کو ابتدائی طبی امداد فراہم کرنے کے بعد اسپتال منتقل کر دیا گیا۔ 7 مسافر شدید زخمی ہیں جبکہ باقیوں کو معمولی زخم آئے ہیں۔