ملک بھر میں سوئی گیس کنکشنز پر عائد پابندی ختم کرنے کا فیصلہ

لاہور:  گھریلو صارفین اور گیس کنکشن لگوانے والوں کے لئے بڑی خوشخبری، ملک بھر میں سوئی گیس کنکشنز پر عائد پابندی ختم کرنے کا فیصلہ  کر لیا گیا ہے۔ جس کے تحت قدرتی گیس کی بجائےآر ایل این جی کی بنیاد پر گیس کنکشن فراہم کیے جا سکیں گے۔

سوئی ناردرن گیس کمپنی نے آر ایل این جی بنیاد پر کنکشنز کے لیے تجاویز وفاق کو بھجوا دیں۔ ذرائع  کے مطابق درآمد شدہ آرایل این جی پر کنکشن کے لیے بھاری سکیورٹی لینے  اور ڈیمانڈ نوٹس سے قبل صارفین سے سٹامپ پیپر لینے کی تجویز دی گئی  ہے، اسٹامپ پیپر پر صارفین آر ایل این جی کے ٹیرف پر کنکشن لینے کا حلف دیں گے آر ایل این جی ٹیرف کو کسی بھی پلیٹ فارم پر چیلنج نہ کرنے کا حلف لیا جائیگا۔

وفاق کی شرائط مکمل کرنے والے صارفین کو کنکشن دیا جا سکے گا،سوئی ناردرن گیس کمپنی کے نیٹ ورک پر بھی کنکشن دیا جا سکے گا۔اس وقت صرف ایل این جی نیٹ ورک والی سکیمز میں کنکشن دیئے جا رہے ہیں۔