لنگر خیل،لکی مروت دھماکے میں 5 بچے شہید،13 افراد زخمی

لکی مروت ،لنگر خیل گاؤں، علاقہ سور بند میں افسوسناک واقعہ پیش آیا جہاں پانچ معصوم بچے شہید اور تیرہ شہری زخمی ہو گئے، جن میں سے پانچ کی حالت تشویشناک بتائی جا رہی ہے۔

واقعہ صبح تقریباً 9 بج کر 35 منٹ پر اُس وقت پیش آیا جب مقامی بچے پہاڑی علاقے سے بکریاں چراتے ہوئے ایک پرانا غیر پھٹا بارودی مواد (UXO) اٹھا لائے، جو مبینہ طور پر خوارج کی جانب سے چھوڑا گیا تھا۔ بچے نادانی میں وہ مواد گاؤں لے آئے اور اس پر پتھر مارنے لگے، جس کے نتیجے میں زوردار دھماکہ ہوا۔

زخمیوں کو فوری طور پر ضلعی اسپتال بنوں منتقل کیا گیا۔ ضلعی انتظامیہ اور دیگر حکام نے لکی سٹی اسپتال پہنچ کر زخمیوں کی عیادت کی اور ان کے لیے بہتر طبی سہولیات کو یقینی بنایا۔ مقامی طبی اداروں کے ساتھ رابطہ کر کے ہنگامی صورتحال پر قابو پایا گیا۔

پولیس کی تحقیقاتی ٹیم اور متعلقہ ادارے جائے وقوعہ پر پہنچ گئے ہیں اور مکمل تحقیقات جاری ہیں۔

یہ افسوسناک واقعہ خوارج کا ظلم ہے اور مقامی انتظامیہ اور صوبائی حکومت کا جو ان خارجیوں کی سہولت کاری کرتے ہیں۔