جعفرایکسپریس پر حملے کی خبروں کی تردید

کوئٹہ : ترجمان ریلویز نے کوئٹہ سے پشاور جانے والی جعفرایکسپریس ٹرین پر حملے کی خبروں کی تردید کردی۔

ترجمان ریلویزنے بتایا کہ ٹرین کی روانگی سے پہلے حفاظتی نگرانی کے لیے پائلٹ انجن بھیجا جاتا ہے، آج صبح 10 بجے نگرانی کے لیے بھیجےگئے پائلٹ انجن پر3 گولیاں چلائی گئی تھیں۔ خطرہ محسوس ہوتے ہی ٹرین کو محفوظ مقام پر روک لیا گیا تھا اور تمام مسافرمحفوظ ہیں۔

سیکیورٹی کلیئرنس پرٹرین منزل کی جانب روانہ کردی گئی ہے اور پائلٹ انجن بھی بحفاظت واپس پہنچ گیا۔ جعفرایکسپریس ٹرین بحفاظت منزل کی جانب رواں دواں ہے۔