پی ٹی آئی نے اعجاز چوہدری کی اہلیہ کو سینیٹ ٹکٹ جاری کردیا

پاکستان تحریک انصاف نے سینیٹ کی خالی نشست پر اعجاز چوہدری کی اہلیہ کو ٹکٹ جاری کر دیا۔

سینیٹ کی خالی نشست پرپی ٹی آئی نے اعجاز چوہدری کی اہلیہ کوٹکٹ جاری کردیا ہے،جس کے بعد پنجاب اسمبلی میں سلمیٰ اعجاز پی ٹی آئی کی جانب سے امیدوار ہونگی،پنجاب میں میں پی ٹی آئی کو 100 کے قریب ارکان کی حمایت حاصل ہے۔

ترجمان الیکشن کمشن کےمطابق کل 21 اگست کو امیدواروں کی پہلی لسٹ جاری ہوگی،23 اگست تک کاغذات نامزدگی کی جانچ پڑتال مکمل کرلی جائےگی،جس کےبعد 26 اگست تک کاغذات نامزدگی منظور یامسترد کرنے کے خلاف اپیلیں دائرکی جاسکیں گی جبکہ اپیلیٹ ٹریبونل 28 اگست تک اپیلوں پر فیصلہ کرےگا، 29 اگست کو امیدواروں کی نظرثانی شدہ لسٹ جاری کی جائے گی، 30 اگست تک امیدوارکاغذات نامزدگی واپس لے سکیں گے۔

پنجاب سے پی ٹی آئی کے اعجاز چوہدری کی نااہلی کے بعد خالی ہونے والی سینیٹ کی جنرل نشست پر الیکشن 9 ستمبر کوہوگا۔