پاکستان میں بارشوں سے تباہی، برطانیہ کا 50 کروڑ روپے امداد کا اعلان

اسلام آباد: برطانیہ نے پاکستان میں بارش اور سیلاب سے ہونے والی تباہی پر امداد کا اعلان کردیا۔

نجی ٹی وی کے مطابق برطانوی ہائی کمیشن کے اعلامیے کے مطابق برطانیہ نے پاکستان میں مون سون ایمرجنسی رسپانس کیلیے 50 کروڑ روپے امداد کا اعلان کیا ہے، امداد سے  پنجاب، گلگت بلتستان اور خیبرپختونخوا کے  2 لاکھ23 ہزار سے  زائد افراد کی مدد کی جائے گی۔

امداد کے تحت خشک راشن، ریسکیو آپریشن، موبائل میڈیکل کیمپس، پانی کے نظام کی بحالی شامل ہے جب کہ  زرعی آبپاشی چینلز کی مرمت،کھیتی باڑی و روزگار کی بحالی بھی امدادی پروگرام کا حصہ ہے۔