مرکزی مسلم لیگ کا کے پی میں سیلاب متاثرین کو گھر بنا کر دینےکا اعلان

لاہور: پاکستان مرکزی مسلم لیگ نے صوبہ خیبر پختونخوا کے سیلاب متاثرہ علاقوں میں گھروں کی تعمیر کا اعلان کیا

ہے اور بتایا ہے کہ رضاکاروں کی ٹیمیں متاثرہ علاقوں کا سروے شرو ع کردیا گیا ہے جبکہ امدادی سرگرمیاں ساتھ

ساتھ جاری ہیں ۔

ترجمان کے مطابق پکی پکائی خوراک کی تقسیم کے علاوہ میڈیکل کیمپوں میں علاج معالجہ اور خشک راشن کی

تقسیم کا سلسلہ جاری ہے، اور ہفتے کو ہفتہ کو بونیر،باجوڑ،مینگورہ،شانگلہ میں سینکڑوں خاندانوں میں خشک راشن

تقسیم کیا جائے گا، مرکزی مسلم لیگ کے ترجمان تابش قیوم سمیت پارٹی کی صوبائی قیادت ان امدادی کاموں کی

نگرانی کررہی ہے۔

ترجمان کے مطابق بونیر،سوات ،مینگورہ،باجوڑ،گلگت ،سکردو میں امدادی کیمپ لگائے گئے ہیں، جہاں کچن میں

تیارشدہ کھانا روزانہ کی بنیاد پراڑھائی ہزار سے زائد افراد میں تقسیم کیا جا رہا ہے، رضاکار گھروں میں سے کیچڑ نکالنے

اور سڑکوں کی بحالی، گھروں میں صاف پانی پہنچانےکا کام بھی کر رہے ہیں، بستروں، برتنوں اور پلاسٹک شیٹ

کی تقسیم، میڈیکل کیمپوں میں ہزاروں مریضوں کا مفت علاج،، خواتین کے لئے الگ میڈیکل کیمپ لگائے گئے

ہیں ،بچوں میں کپڑے و دیگر اشیا بھی تقسیم کی جا رہی ہیں۔