سعودی عرب میں آج یکم ربیع الاول ،پاکستان میں بھی چاندنظر آنے کا امکان

اسلام آباد: سعودی عرب میں ہجری سال 1447 کا ربیع الاول کا چاند نظرآ گیا ہے جس کے بعد 24 اگست 2025 (بروز اتوار) کو یکم ربیع الاول قراردیا گیا ہے۔پاکستان میں آج چاندنظر آنے کاامکان ہے۔

سعودی سپریم کورٹ نے تصدیق کی ہے کہ مختلف علاقوں سے چاند نظرآنے کی شہادتیں موصول ہوئیں جس کے بعد ہجری کیلنڈرکے تیسرے مہینے کا باضابطہ آغازہوگیا ہے، مکہ میں کلاک ٹاورکوروشن کردیا گیا۔

دھر عمان کے حکام نے بھی تصدیق کی ہے کہ ملک میں ربیع الاوّل کا چاند 23 اگست کو نظر آگیا ہے اور (بروز اتوار) کو یکم ربیع الاوّل ہے، اس سے قبل کویت کی حکومت نے وزارتوں اور حکومتی اداروں میں 4 ستمبر بروز جمعرات کو یوم ولادت رسولﷺ کے موقع پر عام تعطیل کا اعلان کیا ہے۔

The clock tower signals the entry into the month of Rabbi Al Awwal 1447. pic.twitter.com/ZZ2dSqZFsx

— Inside the Haramain (@insharifain) August 23, 2025

دوسری جانب پاکستان میں  ماہ ربیع الاوّل کا چاند دیکھنے کیلئے مرکزی رویت ہلال کمیٹی کا اجلاس آج کراچی میں ہوگا۔
اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد کریں گے، اجلاس میں رویت ہلال کمیٹی کے ممبران، وزارت مذہبی امور، محکمہ سپارکو، محکمہ موسمیات اور وزارت سائنس اینڈ ٹیکنالوجی کے نمائندگان شریک ہوں گے۔اس کے علاوہ لاہور، کراچی، کوئٹہ، پشاور سمیت دیگر علاقوں میں زونل کمیٹیوں کے اجلاس ہوں گے جبکہ چاند کی رویت کا حتمی اعلان چیئرمین مرکزی رویت ہلال کمیٹی کریں گے۔