علیمہ خان اور دیگر رہنماؤں کی عبوری ضمانت 10 ستمبر تک بڑھا دی گئی

راولپنڈی کی انسدادِ دہشت گردی عدالت نے 26 نومبر کے احتجاج کیس میں بانی پی ٹی آئی کی بہن علیمہ خان کی عبوری ضمانت میں 10 ستمبر تک توسیع کر دی۔

اسی مقدمے میں نامزد ملزمان نعیم حیدر پنجھوتھا، سینیٹر اعظم سواتی اور دیگر رہنماؤں کی ضمانتیں بھی 10 ستمبر تک بڑھا دی گئیں۔

عدالت کے جج امجد علی شاہ رخصت پر ہونے کی وجہ سے سماعت آئندہ تاریخ تک ملتوی کر دی گئی۔

یاد رہے کہ علیمہ خان کے خلاف مقدمہ تھانہ صادق آباد راولپنڈی میں درج ہے۔