سیلاب متاثرین کے لیے امریکا کی امداد، پہلی کھیپ پاکستان پہنچ گئی

 

راولپنڈی  ،انٹر سروسز پبلک ریلیشنز (آئی ایس پی آر) کے مطابق امریکا نے پاکستان کے سیلاب متاثرین کے لیے امدادی سامان فراہم کرنے کا اعلان کیا ہے۔

امریکی آرمی سینٹرل کمانڈ کے تعاون سے چھ پروازوں کے ذریعے امدادی سامان پاکستان لایا جائے گا۔ آئی ایس پی آر کے مطابق پہلی پرواز آج پاکستان پہنچی، جس میں ٹینٹس، ڈی واٹرنگ پمپ اور جنریٹر شامل تھے۔ یہ سامان اسلام آباد میں باضابطہ طور پر پاک فوج کے حوالے کیا گیا۔

امریکی ناظم الامور اور کمانڈر یو ایس آر سینٹ نے امدادی سامان کی حوالگی کے موقع پر شرکت کی۔ آئی ایس پی آر کے مطابق یہ کھیپ پاک فوج کے فلڈ ریلیف کیمپس کے ذریعے متاثرین تک پہنچائی جائے گی۔

پاکستانی حکومت اور عوام نے اس مشکل وقت میں تعاون پر امریکی حکومت اور افواج کا شکریہ ادا کیا ہے۔