پانی کا اخراج ہوتے ہی کورنگی کاز وے کلیئر ہو جائے گا،وزیر اعلیٰ سندھ کا مختلف علاقوں کا دورہ

وزیر اعلیٰ سندھ مراد علی شاہ نے بارش سے پیدا صورتحال کا جائزہ لینے کے لیے کراچی کے مختلف علاقوں کا دورہ کیا۔

اس موقع پر گفتگو کرتے ہوئے وزیر اعلیٰ مراد علی شاہ  نے کہا کہ ملیر ندی سے پانی کا اخراج ہوتے ہی کورنگی کاز وے کلیئر ہو جائے گا۔ انتظامیہ شہریوں کو ملیر ندی، کورنگی کاز وے اور دیگر نشیبی علاقوں کی صورتحال سے آگاہ رکھے۔

وزیراعلیٰ قیوم آباد میں کورنگی کاز وے پہنچے، انہوں نے قیوم آباد چورنگی پر بارش کے پانی کی نکاسی کا جائزہ لیا، شاہراہ بھٹو کا دورہ بھی کیا۔

چیف سیکریٹری آصف حیدر نے وزیر اعلیٰ سندھ کو ریسکیو آپریشن پر بریف کیا۔