ی جی نیب لاہور سلیم شہزاد نےعہدے سے استعفیٰ دے دیا

لاہور: قومی احساب بیورو کے ڈائریکٹر جنرل  لاہور  سلیم شہزاد نے استعفیٰ دے دیا۔

ڈی جی نیب  لاہور سلیم شہزاد نے 4 صفحات پر مشتمل استعفیٰ چئیرمین نیب کو  ارسال کیا ہے۔جس میں لکھا گیا ہے صحت اور کچھ اور  وجوہات کےباعث مزید نیب میں رہ نہیں سکتا، بھاری دل کے ساتھ استعفیٰ دے رہا ہوں ، الحمدللہ میرے خلاف کرپشن الزامات میں سے کچھ بھی ثابت نہ ہو سکا۔

سلیم شہزاد کا کہنا تھا کہ  فوج سے انجری کے بعد بطور میجر ریٹائرمنٹ لی، 1999میں نیب کے بانی ممبران میں سے ایک تھا، 18ویں گریڈ کے افسر کے طور  پر کیریئر کا آغاز کیا،21گریڈ میں ڈی جی کی پوسٹ تک پہنچا، ڈی جی نیب خیبرپختونخوا کے طور پر میں نے کارکردگی کے سارے ریکارڈ توڑے۔

سلیم شہزاد کے مطابق  اپریل 2017 میں ڈی جی نیب لاہور تعینات ہوا، بطور ڈی جی نیب لاہور 5 سال مسلسل عہدے پر برقرار  رہا، اس دوران میگا کرپشن کیسز  پر کارروائی کی، کارروائی کرتے ہوئے ادراک تھا کہ جن کےخلاف کارروائی کررہا ہوں ان کا ردعمل آئےگا، لاہور میں عوام کے لیےکام کیا اور 947 ارب روپے کے برابر  برآمدگیاں کرائیں، مجھ سے پہلےلاہورمیں مختلف  ادوار کے17سال میں صرف 44 ارب روپےکی برآمدگیاں ہوسکی تھیں۔