راولپنڈی: جنرل ساحر شمشاد مرزا سے عراقی فضائیہ کے کمانڈر کی ملاقات

عراقی فضائیہ کے کمانڈر لیفٹیننٹ جنرل مہند غالب محمد راضی الاسدی نے جوائنٹ سٹاف ہیڈ کوارٹرز میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات کی۔

آئی ایس پی آر کے مطابق ملاقات میں عالمی اور علاقائی جیو اسٹریٹیجک صورتحال پر تبادلہ خیال کیا گیا۔ دونوں رہنماؤں نے اس موقع پر دوطرفہ تعاون کو خطے کے امن و استحکام کے لیے اہم قرار دیا اور دفاعی و سیکیورٹی تعلقات کو مزید فروغ دینے کے عزم کا اظہار کیا۔

عراقی فضائیہ کے کمانڈر نے پاک فوج کے پیشہ ورانہ معیار، دہشت گردی کے خلاف قربانیوں اور علاقائی امن کے لیے پاکستان کی کوششوں کو سراہا۔