جسٹس عائشہ اے ملک کے اسکواڈ کی گاڑی حادثے کا شکار

موٹروے پر کالا شاہ کاکو کے قریب سپریم کورٹ کی جسٹس عائشہ اے ملک کے اسکواڈ کی گاڑی حادثے سے دوچار ہو گئی۔ حادثے کے نتیجے میں ایلیٹ فورس کے پانچ اہلکار زخمی ہوئے۔ جسٹس عائشہ اے ملک اسلام آباد سے لاہور جا رہی تھیں۔

پولیس کے مطابق تیز رفتاری کے باعث ڈرائیور گاڑی پر قابو نہ رکھ سکا، جس کے باعث وہ الٹ گئی۔ زخمی اہلکاروں میں عمر، عبداللہ اور مبشر کی حالت تشویشناک بتائی جا رہی ہے، جنہیں فوری طور پر اسپتال منتقل کیا گیا۔

حادثے میں جسٹس عائشہ اے ملک محفوظ رہیں، جبکہ پولیس نے انہیں سیکیورٹی کے ہمراہ گھر پہنچا دیا۔