پیٹرول کی قیمت برقرار،ڈیزل 2 روپے 78 پیسے فی لیٹر مہنگا

وزارتِ خزانہ نے آئندہ 15 دن کے لیے پیٹرولیم مصنوعات کی قیمتوں کا نوٹیفکیشن جاری کردیا ہے۔

اعلامیے کے مطابق پیٹرول کی موجودہ قیمت 264 روپے 61 پیسے فی لیٹر برقرار رکھی گئی ہے، تاہم ڈیزل کی قیمت میں 2 روپے 78 پیسے فی لیٹر اضافہ کیا گیا ہے جس کے بعد نئی قیمت 272 روپے 77 پیسے فی لیٹر مقرر ہوئی ہے۔

نوٹیفکیشن میں کہا گیا ہے کہ نئی قیمتوں کا اطلاق آج رات 12 بجے کے بعد سے ہوگیا ہے۔