خیبر: چمکنی خودکش حملے کے ماسٹر مائنڈ سمیت 3 دہشت گرد ہلاک

خیبر: کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے تین دہشت گردوں کو ہلاک کر دیا ہے جن میں خودکش حملے کا ماسٹر مائنڈ نعیم چمکنی بھی شامل ہے۔

ترجمان سی ٹی ڈی کے مطابق ہلاک دہشت گرد خودکش دھماکوں اور سنگین دہشت گردانہ سرگرمیوں میں ملوث تھے۔ کارروائی ضلع خیبر کے علاقے لالہ چینہ دو سار میں کی گئی، جہاں دہشت گردوں کی موجودگی کی اطلاع ملی تھی۔

آپریشن کے دوران تین ایس ایم جیز، بارہ میگزین، 135 کارتوس اور تین بنڈولیئر برآمد کیے گئے۔ ہلاک دہشت گردوں میں ایک افغان شہری بھی شامل ہے۔

سی ٹی ڈی کا کہنا ہے کہ دہشت گرد بڑی کارروائی کی منصوبہ بندی کر رہے تھے جسے بروقت ایکشن کے ذریعے ناکام بنا دیا گیا۔ تاہم دہشت گرد کمانڈر فضل نور ساتھیوں کے ہمراہ فرار ہونے میں کامیاب ہوگیا جس کی گرفتاری کے لیے علاقے میں سرچ آپریشن اور محاصرہ مزید سخت کر دیا گیا ہے۔