وزیراعظم شہباز شریف کی ورلڈ بینک صدر اجے بنگا سے ملاقات

نیویارک:اقوام متحدہ کی جنرل اسمبلی کے 80ویں اجلاس کے دوران وزیراعظم شہباز شریف نے ورلڈ بینک گروپ کے صدر اجے بنگا سے ملاقات کی۔

ملاقات میں نائب وزیراعظم اسحاق ڈار اور وزیر خزانہ محمد اورنگزیب بھی شریک ہوئے۔ وزیراعظم نے اجے بنگا کی قیادت کو سراہتے ہوئے کہا کہ انہوں نے آپریشنز کو آسان بنانے اور نجی شعبے کے وسائل کو متحرک کرنے میں اہم کردار ادا کیا ہے۔

شہباز شریف نے ورلڈ بینک کو ایک زیادہ مؤثر اور تیز تر ترقیاتی شراکت دار میں ڈھالنے پر بھی تعریف کی، جبکہ کورونا وبا اور 2022 کے تباہ کن سیلاب کے دوران پاکستان کی مدد پر عالمی بینک کا شکریہ ادا کیا۔

وزیراعظم نے ملاقات میں حکومت کے جامع اصلاحاتی ایجنڈے پر روشنی ڈالی، جس پر ورلڈ بینک کے صدر نے اطمینان اور مکمل حمایت کا اظہار کیا۔