پاکستان کا پہلا جدید ہائپر اسپیکٹرل سیٹلائٹ خلا میں بھیجنے کی تیاری مکمل

پاکستان کا پہلا جدید ہائپر اسپیکٹرل سیٹلائٹ سپارکو کے زیر قیادت تیار کیا گیا ہے، جسے اکتوبر 2025 میں خلا میں بھیجا جائے گا۔

اسپیس اینڈ اپر ایٹموسفیئر ریسرچ کمیشن (سپارکو) کے مطابق یہ سیٹلائٹ معدنی وسائل کی تلاش، زراعت کی ترقی، سیلاب کی نگرانی، گلیشیئر کے پگھلنے اور فضائی آلودگی کی تحقیق میں مدد دے گا۔

چیئرمین سپارکو محمد یوسف نے کہا کہ یہ سیٹلائٹ معدنیات، پودوں، مٹی اور پانی کے معیار کے درست اعداد و شمار فراہم کرے گا، اور برسوں میں ہونے والے سروے اب چند دنوں میں مکمل کیے جا سکیں گے۔

انہوں نے مزید کہا کہ یہ قدم قدرتی وسائل کے مؤثر استعمال کی راہ ہموار کرے گا۔