مردان: کھیت میں بکریاں چرانے پر فائرنگ سے 2 بھائی جاں بحق، 1 زخمی

مردان: ضلع مردان میں فائرنگ کے نتیجے میں 2 افراد جاں بحق جبکہ ایک زخمی ہو گیا۔

پولیس کے مطابق مردان کے علاقے کہوئی برمول میں فائرنگ سے 2 بھائی جاں بحق اور تیسرا زخمی ہوا ہے۔

پولیس نے بتایا ہے کہ واقعہ کھیت میں بکریاں چراتے ہوئے تلخ کلامی کے بعد پیش آیا ہے۔

پولیس کا کہنا ہے کہ واقعے کا مقدمہ درج کر لیا گیا ہے، ملزمان فرار ہو گئے ہیں جن کی گرفتاری کے لیے چھاپے مارے جا رہے ہیں۔ مقتول بھائیوں کی لاش اور زخمی بھائی کو اسپال منتقل کر دیا گیا ہے۔