پاکستان تحریک انصاف کا کل اڈیالہ جیل کے باہر عوامی اسمبلی لگانے کا فیصلہ

اسلام آباد: تحریک انصاف کا کل اڈیالہ جیل کے باہر عوامی اسمبلی لگانے کا فیصلہ ،  مشترکہ پارلیمانی پارٹی اجلاس کا اعلامیہ جاری کر دیا گیا۔

پارلیمانی پارٹی کا اجلاس چیئرمین تحریک انصاف بیرسٹر کی زیر صدارت پارلیمنٹ ہائوس میں ہوا،کل اڈیالہ کے باہر عوامی اسمبلی میں تمام اراکین قومی اسمبلی و سینیٹ کو شرکت کی ہدایت کی گئی ہے۔

 اعلامیہ میں کہا گیا ہے فارم 47 کے تحت قائم حکومت جعلی ہے ، اس کی کوئی قانونی حیثیت نہیں۔ مہنگائی، سیلاب، امن و امان سمیت عوامی مسائل کو عوامی اسمبلی میں اجاگر کیا جائے گا۔ عمران خان نے پارٹی رہنماوں کو قوم کی آواز بننے کی ہدایت جاری کر دی ہے، عمران خان نے پارلیمانی پارٹی پر بھرپور اعتماد کا اظہار کیا ہے۔

پارلیمانی پارٹی کا جعلی مقدمات فی الفور ختم کرنے کا مطالبہ ، پشاور کے کامیاب جلسہ پر تمام ارکان اسمبلی اور سینیٹرز سمیت تمام قیادت کو مبارکباد پیش ، تحریک انصاف کا سپریم کورٹ بار کے آئندہ انتخاب میں بھرپور حصہ لینے کا فیصلہ سندھ، پنجاب، بلوچستان، کے پی کے بارز کے انتخاب میں پاکستان تحریک انصاف کے حمایت یافتہ امیدواروں کی بھرپور سپورٹ کی جائے گی۔