آوارہ کتوں کے واقعات پر فوری کارروائی ضروری ہے،وزیراعلیٰ پنجاب

وزیراعلیٰ پنجاب مریم نواز نے صوبے میں آوارہ کتوں کے کاٹنے کے بڑھتے ہوئے واقعات پر برہمی کا اظہار کرتے ہوئے کہا کہ شہریوں، خصوصاً بچوں کے زخمی ہونا ناقابل قبول ہے اور اس پر فوری توجہ دی جائے۔

مریم نواز کی زیر صدارت اجلاس میں کمشنرز اور ڈپٹی کمشنرز کی کارکردگی کا جائزہ لیا گیا۔ اجلاس میں شہری سہولیات اور حفاظتی اقدامات پر بھی تفصیلی ہدایات جاری کی گئیں۔

وزیراعلیٰ نے الیکٹرو بس کے لیے ہر اسٹاپ پر مخصوص بس اسٹینڈ قائم کرنے، فلڈ سروے کی شفاف مانیٹرنگ، اسکولوں کے سامنے زیبرا کراسنگ اور رفتار کم کرنے کے بورڈز نصب کرنے کی ہدایات دیں۔

صوبے میں 5 ہزار سے زائد واٹر فلٹریشن پلانٹس کی دیکھ بھال اور مرمت یقینی بنانے، اسپتالوں کے اچانک دورے، روٹی کے سرکاری نرخ نامے پر عملدرآمد اور صفائی کے لیے درکار ورکرز کی بھرتی بھی اجلاس میں منظور کی گئی۔