ملک میں پیٹرول کی قیمتوں میں نمایاں کمی کا امکان

ملک بھر میں آئندہ پندرہ روز کے لیے پیٹرولیم مصنوعات کی قیمتوں میں نمایاں کمی کا امکان ظاہر کیا جا رہا ہے۔

ذرائع کے مطابق 16 اکتوبر سے پیٹرول کی قیمت میں 6 روپے 10 پیسے فی لیٹر اور ہائی اسپیڈ ڈیزل کی قیمت میں 97 پیسے فی لیٹر تک کمی متوقع ہے۔

اسی طرح مٹی کے تیل کی قیمت میں 2 روپے 75 پیسے اور لائٹ ڈیزل آئل کی قیمت میں 1 روپے 64 پیسے فی لیٹر کمی کا امکان ہے۔

پیٹرولیم انڈسٹری نے نئی ورکنگ رپورٹ تیار کرکے اوگرا کو ارسال کر دی ہے۔
اوگرا آج شام پیٹرولیم مصنوعات میں ردوبدل کی سمری پیٹرولیم ڈویژن کے ذریعے وزارتِ خزانہ کو بھیجے گا۔

ذرائع کے مطابق وزارتِ خزانہ کل وزیراعظم سے مشاورت کے بعد قیمتوں میں ردوبدل کی حتمی منظوری دے گی۔