گورنر سے رابطہ ہوا،وزیر اعلیٰ سے حلف لینے سے انکار نہیں کیا،جنید اکبر

پاکستان تحریک انصاف کے صوبائی صدر جنید اکبر نے کہا ہے کہ گورنر سے رابطہ ہوا اور انہوں نے وزیر اعلیٰ سے حلف لینے سے انکار نہیں کیا۔ جنید اکبر کے مطابق آج نئے وزیر اعلیٰ خیبرپختونخوا سہیل آفریدی حلف اٹھائیں گے۔

انہوں نے پشاور میں ہائی کورٹ کے باہر میڈیا سے گفتگو کرتے ہوئے کہا کہ پشاور ہائی کورٹ نے اپنی روایات کے مطابق فیصلہ دیا جس پر وہ شکر گزار ہیں، اور صوبہ بغیر وزیر اعلیٰ کے چل رہا تھا۔

جنید اکبر نے بلاول بھٹو کا بھی شکریہ ادا کیا کہ انہوں نے جمہوری طریقے سے اپنی ذمہ داری پوری کی۔