پاکستان ریلوے نے موسمِ سرما کے لیے نیا ٹائم ٹیبل جاری کردیا

پاکستان ریلوے نے موسمِ سرما کے لیے ٹرینوں کا نیا شیڈول جاری کردیا ہے جس پر آج (16 اکتوبر) سے عمل درآمد شروع ہوگیا۔

ترجمان ریلوے کے مطابق نیا ٹائم ٹیبل 16 اکتوبر 2025 سے 15 اپریل 2026 تک نافذ العمل رہے گا۔ نئے شیڈول میں 9 ٹرینوں کے عارضی اسٹاپ ختم کرکے انہیں ریگولر اسٹاپ کا درجہ دے دیا گیا ہے۔

نئے شیڈول کے تحت علامہ اقبال ایکسپریس سیالکوٹ سے صبح 7 بجے کے بجائے ساڑھے 7 بجے روانہ ہوگی، جبکہ عوام ایکسپریس کراچی سے صبح ساڑھے 7 بجے کے بجائے 8 بجے روانہ ہوگی۔

اسی طرح نارووال پسنجر ٹرین کا نیا وقت صبح 7 بجے کے بجائے 7 بجکر 25 منٹ مقرر کیا گیا ہے، اور شالیمار ایکسپریس اب صبح ساڑھے 7 بجے کے بجائے 7 بجکر 10 منٹ پر روانہ ہوا کرے گی۔