وزیراعلیٰ سہیل آفریدی کو درج مقدمات میں گرفتار نہ کرنے کا حکم

پشاور ہائی کورٹ نے وزیراعلیٰ خیبرپختونخوا سہیل آفریدی کی 18 نومبر تک حفاظتی ضمانت منظور کرلی۔
وزیراعلیٰ سہیل آفریدی کی جانب سے مقدمات کی تفصیلات کے لیے دائر درخواست پر جسٹس اعجاز انور اور جسٹس نعیم انور نے سماعت کی۔

عدالت نے وزیراعلیٰ کے خلاف درج مقدمات کی تفصیلات طلب کرتے ہوئے ان مقدمات میں گرفتاری سے روک دیا۔
سماعت کے دوران جسٹس اعجاز انور نے استفسار کیا کہ سہیل آفریدی کن ایف آئی آرز میں نامزد ہیں؟
ایڈووکیٹ جنرل نے جواب دیا کہ ہمیں خود بھی علم نہیں، ممکن ہے میں بھی کسی ایف آئی آر میں نامزد ہوں۔ انہوں نے مزید کہا کہ وزیراعلیٰ بانی پی ٹی آئی سے ملاقات کے لیے جائیں گے۔