نیشنل سائبر کرائم ایجنسی کے ڈپٹی ڈائریکٹر مبینہ طور پر اغوا

کراچی: نیشنل سائبر کرائم انویسٹی گیشن ایجنسی (نیکا) کے ڈپٹی ڈائریکٹر آپریشن محمد عثمان کے مبینہ اغوا کا مقدمہ درج کر لیا گیا ہے۔

پولیس کے مطابق مقدمہ تھانہ شمس کالونی میں مغوی کی اہلیہ کی مدعیت میں درج کیا گیا، جس میں نامعلوم افراد کے خلاف دفعہ 365 تعزیراتِ پاکستان کے تحت کارروائی کی گئی ہے۔

ایف آئی آر میں اہلیہ نے بتایا کہ محمد عثمان کو نامعلوم افراد نے زبردستی اغوا کر لیا اور ان کا کوئی سراغ نہیں ملا۔ انہوں نے اپیل کی کہ ”میرے شوہر کو فوری طور پر بازیاب کروایا جائے۔“

پولیس نے واقعے کی تحقیقات شروع کر دی ہیں اور مغوی کی تلاش کے لیے مختلف ٹیمیں تشکیل دے دی گئی ہیں۔