افغان سرزمین سے پاکستان پر حملوں کا خاتمہ ضروری ہے،اسحاق ڈار

نائب وزیراعظم اور وزیرِ خارجہ اسحاق ڈار نے کہا ہے کہ حکومتِ پاکستان دوحہ میں طے پانے والے معاہدے کا خیرمقدم کرتی ہے، جو خطے میں مثبت قدم ہے۔

اپنے بیان میں انہوں نے کہا کہ پاکستان برادر ممالک قطر اور ترکیہ کے تعمیری کردار کو سراہتا ہے۔ آئندہ اجلاس ترکیہ میں منعقد ہوگا، جہاں ٹھوس اور قابلِ تصدیق مانیٹرنگ میکنزم کے قیام پر پیشرفت متوقع ہے۔

وزیرِ خارجہ نے واضح کیا کہ افغان سرزمین سے پاکستان کیخلاف دہشت گردی کے خاتمے کے لیے مؤثر اور عملی اقدامات ناگزیر ہیں اور مزید جانی نقصان سے بچنے کے لیے فوری عملدرآمد ضروری ہے۔