پنجاب میں ضمنی انتخابات کا نیا شیڈول جاری

الیکشن کمیشن آف پاکستان نے پنجاب کے ضمنی انتخابات کے لیے نیا شیڈول جاری کر دیا ہے۔
ترجمان الیکشن کمشنر پنجاب کے مطابق ضمنی انتخابات فیصل آباد اور ساہیوال کے پانچ حلقوں میں ہوں گے، جن میں این اے 96، این اے 104، این اے 143، پی پی 98 اور پی پی 203 شامل ہیں۔

شیڈول کے مطابق ریٹرننگ افسرز کے فیصلوں کے خلاف اپیلیں 24 اکتوبر تک دائر کی جا سکتی ہیں، اور اپیلٹ ٹربیونل ان اپیلوں کے فیصلے 31 اکتوبر تک کرے گا۔

امیدواروں کی نظر ثانی شدہ فہرست یکم نومبر کو شائع کی جائے گی۔امیدواروں کی دستبرداری کی آخری تاریخ 3 نومبر مقرر کی گئی ہے،

اور انتخابی نشانات الاٹ کرنے کی تاریخ 4 نومبر طے کی گئی ہے۔ ضمنی انتخابات میں پولنگ 23 نومبر 2025 کو ہوگی۔