طورخم بارڈر پر کھولنے کی تیاریاں ، گاڑیوں کی کلیئرنس کیلیے اسکینر ٹرمینل پہنچا دیے گئے

پشاور: طورخم بارڈر پر تجارتی راہداری بحال کرنے کی تیاریاں مکمل کرلی گئی ہیں۔

کسٹم ذرائع کے حوالے سے بتایا ہے کہ   طورخم سرحدی گزرگاہ 9 روز قبل ہرقسم کی آمدورفت کے لیے بند کردی گئی تھی جسے اب کھولنے کی تیاریاں کی جارہی ہیں۔کارگو گاڑیوں کی کلیئرنس کے لیے سکینر طورخم ٹرمینل پہنچادیئے گئے ہیں اور کسٹم حکام نے عملے کو فوری طور پر طورخم ٹرمینل پہنچنے کی ہدایت کی ہے۔

خیال رہے کہ پاکستان اور افغانستان کے درمیان حالیہ تناؤ کے باعث طورخم تجارتی گزرگاہ ہرقسم کی آمدورفت کے لیے بند کردی گئی تھی۔افغانستان جانے والے پھل، سبزی اور دیگراشیاء سے بھری درجنوں گاڑیاں پاکستانی حدود میں موجود تھیں ۔