پولینڈ کے نائب وزیر اعظم کا دو روزہ دورۂ پاکستان پہنچ گئے

پولینڈ کے نائب وزیر اعظم و وزیرِ خارجہ رادوسلاف سکورسکی دو روزہ سرکاری دورے پر پاکستان پہنچ گئے۔

ترجمان دفتر خارجہ کے مطابق یہ ان کا پاکستان کا دوسرا سرکاری دورہ ہے، اس سے قبل وہ 2011 میں پاکستان آ چکے ہیں۔

نائب وزیر اعظم و وزیرِ خارجہ اسحاق ڈار اپنے پولش ہم منصب سے ملاقات کریں گے جبکہ وفود کی سطح پر مذاکرات بھی ہوں گے۔

دونوں ممالک کے درمیان دوطرفہ تعلقات کے تمام پہلوؤں پر تبادلہ خیال کیا جائے گا، جس کے بعد دونوں وزرائے خارجہ مشترکہ پریس اسٹیٹمنٹ جاری کریں گے۔

ترجمان دفتر خارجہ نے کہا کہ پاکستان، پولینڈ کے ساتھ باہمی تعاون کے فروغ کے لیے پُرعزم ہے۔