قومی ائیرلائن کی پہلی پرواز پانچ سال بعداسلام آباد سے مانچسٹر پہنچ گئی

قومی ایئرلائن کی پانچ سال بعد اسلام آباد سے برطانیہ کے شہر مانچسٹر کے لیے پہلی پرواز بحال ہوگئی۔ ترجمان پی آئی اے کے مطابق بوئنگ 777 طیارہ اسلام آباد سے روانہ ہوا اور تقریباً پانچ گھنٹے کے براہ راست سفر کے بعد مقامی وقت کے مطابق شام پانچ بجے مانچسٹر پہنچا۔

مانچسٹر ایئرپورٹ پر پاکستانی کمیونٹی کی بڑی تعداد نے پرواز کا استقبال کیا اور پاکستان زندہ باد کے نعرے لگائے۔

گزشتہ روز وفاقی وزیر برائے ہوابازی و دفاع خواجہ آصف نے قومی ایئرلائن کے برطانیہ کے لیے پروازوں کی بحالی کا باضابطہ افتتاح کیا تھا۔ اس موقع پر برطانوی ہائی کمشنر جین میریٹ بھی شریک تھیں۔

یاد رہے کہ 2022 میں پی ٹی آئی دورِ حکومت میں اُس وقت کے وزیر ہوا بازی غلام سرور خان کے پاکستانی پائلٹوں کی ڈگریوں سے متعلق بیان کے بعد یورپی یونین اور برطانیہ نے پی آئی اے پر پروازوں کی پابندی عائد کی تھی۔