کورکمانڈر پشاور کی سہیل آفریدی سے ون آن ون ملاقات

پشاور: کورکمانڈرپشاور لیفٹیننٹ جنرل عمر احمد بخاری کی وزیراعلیٰ پختونخوا سہیل آفریدی سے ون آن ون ملاقات ہوئی ہے جس میں  امن وامان کی صورتحال پر بات چیت ہوئی۔

کورکمانڈرپشاور لیفٹیننٹ جنرل عمر احمد بخاری  اور سہیل آفریدی  کی ملاقات وزیراعلیٰ سیکریٹریٹ میں جمعے کے دن ہوئی۔ملاقات میں صوبے میں امن وامان کی مجموعی صورتحال پر بات چیت کی گئی  او صوبے میں دہشتگردی سے نمٹنے کے حوالے سے اقدامات بھی زیر غور آئے۔

قبائلی اضلاع میں ترقیاتی منصوبوں کے حوالے سے بھی گفتگو  ہوئی۔ذرائع وزیر اعلیٰ کا کہنا ہے کہ صوبے میں قیام امن کی کوششوں میں تمام اسٹیک ہولڈرز کو اعتماد میں لیا جائے ، دہشت گردی سے نمٹنے کے لیے مل بیٹھ کر لائحہ عمل تیار کیا جانا ضروری ہے۔ ملاقات کے اگلے روز وزیراعلیٰ نے ایپکس کمیٹی کا اجلاس بھی طلب کیا تھا۔