ڈینگی سے نوجوان کی موت، حیدرآباد سول اسپتال انتظامیہ پر مقدمہ

حیدرآباد میں ڈینگی کے باعث 17 سالہ نوجوان کی موت کے بعد سول اسپتال انتظامیہ کے خلاف مقدمہ درج کر لیا گیا ہے۔ یہ مقدمہ جاں بحق نوجوان کے والد کی مدعیت میں مارکیٹ تھانہ میں دائر کیا گیا۔

مدعی کے مطابق حسنین پری میڈیکل کا طالب علم تھا، جسے 18 اکتوبر کو ڈینگی کی تصدیق کے بعد سول اسپتال منتقل کیا گیا۔ والد نے الزام لگایا کہ اسپتال عملے نے نوجوان کو گھنٹوں وہیل چیئر پر رکھا اور وارڈز میں مناسب بیڈ فراہم کرنے میں لاپرواہی برتی۔

والد کا کہنا ہے کہ اسپتال انتظامیہ کی غفلت کے نتیجے میں ان کا بیٹا 22 اکتوبر کو زندگی کی بازی ہار گیا۔