متنازع ٹوئٹ کیس،ایمان مزاری اور ان کے شوہرپر فردِ جرم عائد

اسلام آباد: متنازع ٹوئٹ کیس میں ڈسٹرکٹ اینڈ سیشن کورٹ نے ایمان مزاری اور ان کے شوہر ہادی علی چٹھہ پر فردِ جرم عائد کردی۔

ایڈیشنل سیشن جج افضل مجوکہ نے کیس کی سماعت کے دوران دونوں ملزمان پر فردِ جرم عائد کی، تاہم ایمان مزاری اور ہادی علی نے صحتِ جرم سے انکار کردیا۔

عدالت نے ملزمان کے انکار کے بعد استغاثہ کے تمام گواہان کو اگلی سماعت پر طلب کرلیا، جب کہ ہادی علی چٹھہ کو دوبارہ ضمانتی مچلکے جمع کرانے کا حکم دیا گیا۔

کیس کی مزید سماعت 5 نومبر تک ملتوی کردی گئی۔
واضح رہے کہ ایمان مزاری اور ہادی علی چٹھہ کے خلاف این سی سی آئی اے نے مقدمہ درج کر رکھا ہے۔