پی ٹی آئی رہنماؤں کی قربانیاں رائیگاں نہیں جائیں گی،بیرسٹر سیف

پاکستان تحریک انصاف (پی ٹی آئی) کے رہنما بیرسٹر محمد علی سیف نے کہا ہے کہ پی ٹی آئی کے تمام سیاسی قیدیوں کی قربانیاں ایک دن ضرور رنگ لائیں گی۔

اپنے بیان میں انہوں نے کہا کہ شاہ محمود قریشی اور یاسمین راشد پارٹی کے قیمتی اثاثے ہیں، دونوں بزرگ اور بیمار ہیں لیکن حکومت کی جانب سے ان کے خلاف فسطائیت ختم نہیں ہو رہی۔

بیرسٹر سیف کا کہنا تھا کہ بیماری کے باوجود بھی دونوں بانی پی ٹی آئی کے ساتھ چٹان کی طرح ڈٹے ہوئے ہیں۔
انہوں نے مزید کہا کہ شہباز شریف اور مریم نواز کو ایک دن اس فسطائیت کا جواب دینا ہوگا۔