کراچی:لیاری میں کارروائی،لسانی بنیادوں پروارداتیں کرنے والاملزم گرفتار

کراچی کے علاقے لیاری میں رینجرز نے کارروائی کے دوران 2005 سے 2008 تک لسانی بنیادوں پر وارداتیں کرنے والے ملزم محمد اسماعیل کو گرفتار کرلیا۔

ترجمان رینجرز کے مطابق گرفتار ملزم سے اسلحہ اور ایمونیشن برآمد کرلیا گیا ہے۔ ملزم نے دورانِ تفتیش 2005 سے 2008 تک لسانی بنیادوں پر متعدد وارداتوں کا اعتراف کیا ہے۔

رینجرز کا کہنا ہے کہ محمد اسماعیل قتل اور اقدامِ قتل کی 11 سے زائد وارداتوں میں ملوث رہا ہے، جبکہ وہ اغواء برائے تاوان، پولیس مقابلوں، منشیات فروشی اور بھتہ خوری جیسے سنگین جرائم میں بھی ملوث پایا گیا۔

ملزم کے خلاف مزید تحقیقات جاری ہیں۔