سوات اور گردونواح میں زلزلے کے جھٹکے

پشاور: خیبرپختونخوا کے ضلع سوات اور گردونواح میں زلزلے کے جھٹکے محسوس کئے گئے ہیں۔

زلزلہ پیما مرکز کے مطابق ریکٹر اسکیل پر زلزلے کی شدت4.2ریکارڈ کی گئی  جبکہ زلزلے کی زیر زمین گہرائی 73کلومیٹر تھی،زلزلے کا مرکز کوہ ہندوکش تھا۔

زلزلے کے جھٹکے محسوس ہونے پر لوگوں میں خوف و ہراس پھیل گیا اور کلمہ طیبہ کا ورد کرتے ہوئے گھروں اور دکانوں سے باہر نکل آئے۔