محسن نقوی کی چودھری شجاعت حسین سے ملاقات،بہنوئی کے انتقال پر تعزیت

وفاقی وزیر داخلہ محسن نقوی نے مسلم لیگ (ق) کے سربراہ چودھری شجاعت حسین سے ملاقات کی اور ان کے بہنوئی جاوید چٹھہ کے انتقال پر تعزیت کا اظہار کیا۔

تفصیلات کے مطابق وزیر داخلہ محسن نقوی چودھری شجاعت حسین کی رہائشگاہ پہنچے، جہاں انہوں نے مرحوم جاوید چٹھہ کے لیے فاتحہ خوانی کی اور لواحقین سے دلی ہمدردی و اظہارِ افسوس کیا۔

اس موقع پر صوبائی وزیر چودھری شافع حسین بھی موجود تھے۔ ملاقات کے دوران محسن نقوی نے داخلی سکیورٹی کی صورتحال پر بریفنگ دی، جس پر چودھری شجاعت حسین نے اطمینان کا اظہار کیا اور وزارتِ داخلہ کے اقدامات کو سراہا۔

دونوں رہنماؤں نے ملاقات کے اختتام پر شہدائے وطن کو شاندار الفاظ میں خراجِ عقیدت پیش کیا اور ملک میں امن و استحکام کے لیے دعا کی۔