راولپنڈی: علیمہ خان کے ساتویں مرتبہ وارنٹ گرفتاری جاری

راولپنڈی کی انسداد دہشتگردی عدالت نے علیمہ خان سمیت 11 ملزمان کے خلاف 26 نومبر احتجاج کیس کی سماعت کے دوران علیمہ خان کی مسلسل غیر حاضری پر ان کے ساتویں مرتبہ ناقابل ضمانت وارنٹ جاری کر دیے۔

عدالت میں علیمہ خان کے بینک اکاؤنٹس منجمد کرنے سے متعلق رپورٹ بھی پیش کی گئی، جس میں بتایا گیا کہ علیمہ خان کے نام سے نمل یونیورسٹی اور دیگر فلاحی اداروں کے اکاؤنٹس ہیں۔ جن بینکوں نے رپورٹ جمع نہیں کرائی، ان کو عدالت نے نوٹس جاری کر دیے۔

عدالت نے سماعت 6 نومبر تک ملتوی کر دی اور علیمہ خان کے وارنٹ گرفتاری کے نفاذ کا حکم دیا۔