پی ٹی آئی کو بڑا دھچکا،اہم اقلیتی رہنما آئی پی پی میں شامل

لاہور: استحکام پاکستان پارٹی (آئی پی پی) کو این اے 117 میں بڑی سیاسی کامیابی حاصل ہوگئی، پاکستان تحریک انصاف (پی ٹی آئی) کے اقلیتی ونگ کے متعدد عہدیداروں نے آئی پی پی میں شمولیت کا اعلان کردیا۔

میکسیول سندھو کی قیادت میں اقلیتی نمائندوں کے وفد نے آئی پی پی کے جنرل سیکریٹری اور کوآرڈینیٹر حلقہ میاں خالد محمود سے ملاقات کی۔ اس موقع پر پارٹی رہنماؤں نے نئے شامل ہونے والے اراکین کو پارٹی پرچم پہنا کر خوش آمدید کہا۔

مسیحی برادری کے رہنماؤں نے استحکام پاکستان پارٹی کے منشور پر مکمل اعتماد کا اظہار کرتے ہوئے کہا کہ وہ صدر عبدالعلیم خان کی قیادت میں ملکی ترقی اور ہم آہنگی کے لیے کردار ادا کریں گے۔

شمولیت اختیار کرنے والوں میں سابق کونسلرز جاوید عاصم، شکیل اختر، سجاد مسیح، روبر اشرف، پاسٹر زاہد، پاسٹر آصف عنائت، پاسٹر جارج گل، ہنی مسیح، عارف سرویا، عرفان بھٹی سمیت درجنوں رہنما شامل ہیں۔

میاں خالد محمود نے کہا کہ استحکام پاکستان پارٹی اقلیتوں کے حقوق کے تحفظ پر یقین رکھتی ہے اور بلدیاتی سطح پر پارٹی کو مزید مضبوط بنایا جا رہا ہے۔