عمران اسماعیل نے سلمان اکرم کے الزامات کو من گھڑت قرار دے دیا

سابق گورنر سندھ عمران اسماعیل نے کہا ہے کہ پی ٹی آئی کے سیکرٹری جنرل سلمان اکرم راجا کا بیان سن کر حیرت ہوئی کہ کوئی شخص اس حد تک جھوٹ کیسے بول سکتا ہے۔

نجی ٹی وی کے پروگرام میں گفتگو کرتے ہوئے عمران اسماعیل نے کہا کہ یہ بات بالکل بے بنیاد ہے کہ وہ یا دیگر رہنما شاہ محمود قریشی کے پاس بانیِ پی ٹی آئی کی جگہ لینے کی پیشکش لے کر گئے تھے۔

ان کا کہنا تھا کہ “سوال ہی پیدا نہیں ہوتا کہ ہم شاہ محمود قریشی سے یہ کہنے گئے ہوں کہ وہ بانیِ پی ٹی آئی کی جگہ لیں، یہ سب جھوٹ پر مبنی کہانیاں ہیں۔

 

”عمران اسماعیل نے مزید کہا کہ الزامات وہ لوگ لگا رہے ہیں جو خود دو منٹ کے لیے بھی جیل نہیں گئے۔

 

انہوں نے شیخ وقاص اکرم پر تنقید کرتے ہوئے کہا کہ “وہ سارا وقت خیبر پختونخوا ہاؤس میں چھپے بیٹھے رہے

اور دوسروں کے بچوں کو ڈی چوک جا کر گولیاں کھانے کا کہتے رہے۔

”سابق گورنر نے کہا کہ ایسے بیانات پارٹی کو نقصان پہنچانے کے مترادف ہیں اور سچائی جلد سامنے آجائے گی۔