تھرپارکر: تین نوجوانوں کی پھندا لگی لاشیں برآمد

سندھ کے شہر تھرپارکر میں ایک دلخراش واقعہ پیش آیا، جہاں تین نوجوانوں کی پھندا لگی لاشیں ایک ہی درخت سے برآمد ہوئیں۔ یہ واقعہ تحصیل ننگرپارکر کے علاقے ڈانو دھاندل میں پیش آیا، جس نے پورے علاقے کو سوگوار کر دیا ہے۔

پولیس کے مطابق تینوں نوجوان آپس میں قریبی رشتہ دار تھے اور ان کی موت بظاہر خودکشی معلوم ہوتی ہے، تاہم تمام پہلوؤں کی تحقیقات جاری ہیں۔

حکام نے بتایا کہ رواں سال اب تک پھندا لگی لاشوں کے 112 واقعات ریکارڈ کیے جا چکے ہیں۔ لواحقین غم سے نڈھال ہیں اور پولیس نے واقعے کی مزید تحقیقات شروع کر دی ہیں۔