40 فیصد پاکستانی دوسری شادی کے حامی،60 فیصد مخالفت پر قائم، گیلپ سروے

اسلام آباد: گیلپ پاکستان کے حالیہ سروے کے مطابق، 40 فیصد پاکستانی دوسری شادی کے حق میں ہیں جبکہ 60 فیصد نے مخالفت کا اظہار کیا ہے۔

سروے میں سامنے آیا کہ 40 فیصد پاکستانیوں نے دوسری شادی کی مشروط حمایت کی اور کہا کہ مالی استطاعت ہونے کی صورت میں دوسری شادی کی جا سکتی ہے۔ دوسری شادی کے حق میں حمایت کرنے والوں میں مردوں کی شرح خواتین کے مقابلے میں زیادہ رہی، 50 فیصد مرد اور 30 فیصد خواتین نے دوسری شادی کی حمایت کی۔

سروے کے مطابق، 72 فیصد پاکستانی کا کہنا تھا کہ دوسری شادی کے بعد دونوں بیویوں کے درمیان منصفانہ سلوک کرنا مشکل یا ناممکن ہے۔ صرف 26 فیصد نے اسے ممکن قرار دیا، اور منصفانہ سلوک کو ناممکن قرار دینے والوں میں 59 فیصد مرد شامل ہیں۔

جب سوال کیا گیا کہ دوسری شادی کن حالات میں کی جانی چاہیے، تو 39 فیصد نے کہا کہ اگر بچوں نہ ہوں تو دوسری شادی جائز ہے، 15 فیصد نے دونوں بیویوں میں انصاف کرنے کی قابلیت کو شرط قرار دیا، اور 10 فیصد نے پہلی بیوی کی اجازت کو ضروری قرار دیا۔